कृष्ण पोखरेल
पाल्पा,  पाल्पा फुटवल संघको आयोजनामा तानसेनको टुडिखेल मैदानमा जारी  कर्णेल उजीरसिंह पाल्पा गोल्ड कप फुटबल प्रतियोगितामा  रोडस् रामपुर फुटबल क्लब चितवन फाइनलमा पुगेको छ । मंगलवार तानसेनको टुँडीखेलमा भएको सेमि फाइनल प्रतियोगितामा  रोडस् रामपुर फुटबल क्लब चितवनले २ गोलले फोर ब्रदर्श नवलपरासी (पश्चिम  लाई पराजित गर्यो । पहिलो गोल चितवनका १० नम्वर खेलाडी विक्की चामलिङ राईले गरे भने दोस्रो गोल १७ नम्वर खेलाडी निरज थापा मगरले गरेका थिए । पहिलो हाफमा दुबै पक्ष बाट कुनै गोल हुन नसकेपनि दोस्रो हाफमा चितवनले नवलपरासी लाई दवावमा राख्दै २ गोल गरी प्रतियोगिताको फाइनलमा पुगेको हो । 

सेमी फाइनल प्रतियोगितामा रोडस् रामपुर फुटबल क्लब चितवनका १७ नंं खेलाडी निरज थापा मगर म्यान अफ दि म्याच भएका छन् । थापाले नगद तिन हजार पुरस्कार पाएका छन । संघले प्रतियोगिताको प्रत्येक दिन उत्कृष्ट खेलाडी लाई म्यान अफ दि म्याच घोषणा गरी पुरस्कृत गर्दै आएको छ । 

युसै गरी बुधवारको सेफी पाइनल खेल दि फेमश महिन्द्र दल गण पाल्पा र होराईजन फुटवल क्लव वालिङ स्याङजाबिच हुनेछ । १२ टिम सहभागी भएको प्रतियोगिताको फाइनल  जेठ २७ गते शनिबार हुनेछ । प्रतियोगितामा प्रथम हुनेले नगद ३ लाख, दोस्रो हुने टिमले नगद १ लाख ५० हजार, पाल्पाली करुवा ट्रफी, मेडल र प्रमाणपत्र पाउने पाल्पा जिल्ला फुटबल संघका अध्यक्ष प्रणय विरजंग राणाले जानकारी दिए ।