शितलपाटी

पशुको बाँझोपन परीक्षण गर्न एक्स–रे सेवा बुधबार, फागुन ३, २०७९ गुल्मीमा भिडियो एक्स–रेबाट पशुको बाँझोपनको समस्या र गर्भ परीक्षण गर्न सुरु गरिएको छ । भेटेरिनरी अस्पताल तथा पशु सेवा विज्ञ केन्द्र गुल्मीले जिल्लाको रेसुङ्गा नगरपालिका र इस्मा गाउँपालिकामा यो सेवा सुरु गरेको हो ।

अराजकता नियन्त्रण गर्न माग मंगलबार, फागुन २, २०७९ राष्ट्रियसभाको मंगलबारको बैठकमा सांसदले मुलुकमा पछिल्ला दिनमा फैलिएको अराजकताले सीमा नाघेको उल्लेख गर्दै त्यसको नियन्त्रण गर्नुपर्ने बताएका छन् ।

उपप्रधानमन्त्री लिङ्देन र भारतीय विदेश सचिव क्वात्राबीच भेट मंगलबार, फागुन २, २०७९ उपप्रधानमन्त्री तथा उर्जा जलस्रोत तथा सिँचाइ मन्त्री राजेन्द्र लिङ्देन र नेपाल भ्रमणमा रहनुभएका भारतीय विदेश सचिव विजयमोहन क्वात्राबीच आज शिष्टाचार भेट भएको छ ।

प्रेमको उत्सव ‘भ्यालेन्टाइन डे’, प्रेम साटासाट गरी मनाइँदै मंगलबार, फागुन २, २०७९ आज ‘भ्यालेन्टाइन डे’ अर्थात् प्रणय दिवस विश्वभर एक आपसमा उपहार अनि प्रेम साटासाट गरी मनाइँदैछ । विशेषगरी युवापुस्तामा लोकप्रिय यो दिन विश्वभर नयाँ प्रेमी प्रेमिकाले एक अर्कालाई प्रेम प्रस्ताव गरी मनाउने गर्दन् । प्रेमका पक्षधर सन्त भ्यालेन्टाईनलाई मृत्युदण्ड दिएको सम्झनामा प्रत्येक वर्षको फेव्रुअरी १४ मा भ्यालेन्टाइन दिवस मनाउने गरिएको हो ...

पशु बधशाला सञ्चालनको तयारी मंगलबार, फागुन २, २०७९ बुटवल उपमहानगरपालिका–१० रामनगरमा दुई बिघा तीन कठ्ठा क्षेत्रफलमा बधशाला निर्माण भएको पशु बधशाला सञ्चालनमा आउने भएको छ । बधशाला सञ्चालनका लागि बुटवल उपमहानगरपालिका र बुटवल मासु उत्पादन तथा प्रशोधन प्रालिबीचमा सहमति भएको उपमहानगरपालिकाका प्रमुख खेलराज पाण्डेयले बताए ।

पाल्पाली संगम काठमाडौंमा नयाँ नेतृत्व सोमबार, फागुन १, २०७९ पाल्पाली संगम काठमाडौंमा नयाँ नेतृत्व आएको छ । संगमको काठमाडौंमा भएको साधारण सभा तथा अधिवेशनले नयाँ नेतृत्व चयन गरेको हो । संगमका निवर्तमान महासचिव विष्णु बहादुर खत्रीको अध्यक्षतामा २३ सदस्यीय नयाँ नेतृत्व चयन गरिएको संगमले जनाएको छ ।

तानसेनमा मगर एकता दिवसमा सार्वजनिक विदा सोमबार, फागुन १, २०७९ राष्ट्रिय मगर एकता दिवसका दिन जिल्लाको तानसेनमा सार्वजनिक विदा हुने भएको छ । तानसेन नगरपालिकाले फागुन १५ गते पर्ने मगर एकता दिवसका दिन सार्वजनिक विदा दिने निर्णय गरेको हो ।

बेथल बोर्डिङले मनायो २६ औं वार्षिकोत्सव सोमबार, फागुन १, २०७९ निजी विद्यालयको रुपमा सञ्चालित पाल्पाको बेथल इङ्गलिस बोर्डिङ स्कूलले २६ औं वार्षिकोत्सव तथा अभिभावक दिवस मनाएको छ । स्कूलले विभिन्न कार्यक्रमहरुको आयोजना गरी वार्षिकोत्सव मनाएको हो ।

लामो कसरतपछि लुम्बिनी प्रदेश सरकारले पायो पूर्णता सोमबार, फागुन १, २०७९ सरकार गठन भएको एक महिनाको लामो कसरतपछि लुम्बिनी प्रदेशको मन्त्रिपरिषद्ले पूर्णता पाएको छ । प्रदेशमा सत्ता गठबन्धनमा भागबण्डाको टुँगो लागेसँगै मन्त्रिपरिषद्ले पूर्णता पाएको हो । मुख्यमन्त्री लीला गिरीले सरकारलाई समर्थन गरेका चार दलका सात जनालाई मन्त्रिमण्डलमा समावेश गरेर सरकारलाई पूर्णता दिएका हुन् ।

आज विश्व रेडियो दिवस मनाइदैं सोमबार, फागुन १, २०७९ विश्व रेडियो दिवस आज विभिन्न विभिन्न कार्यक्रम गरी मनाईंदैछ । यसवर्ष विश्व रेडियो दिवसको नारा ‘रेडियो र शान्ति’ भन्ने तय गरिएको छ । संयुक्त राष्ट्रसंघको आÞवानमा सन् २०१२ बाट विश्व रेडियो दिवस मनाउन सुरु गरिएको हो ।

आगलागीमा परी घाइते भएकाहरुको कुरा संसद्मा उठ्यो आइतबार, माघ २९, २०७९ कालीगण्डकी गाउँपालिका–७ भुर्तुङ्गमा आगलागीमा परी घाइते भएका १८ वर्षीय नामु भारती र १६ वर्षीय टीका गिरीका विषयमा संसद्मा कुरा उठेको छ । नेपाली काँग्रेस गुल्मी क्षेत्र १ का सांसद् डा. चन्द्र भण्डारीले प्रतिनिधिसभाको आइतबारको बैठकमा घाइतेहरुको शिघ्र स्वास्थ्य लाभको कामना गर्दै सरकारको ध्यानाकर्षण गराएका छन् ।

चितवन–२ मा वैशाख १० गते उपनिर्वाचन हुने आइतबार, माघ २९, २०७९ निर्वाचन आयोगले प्रतिनिधिसभा चितवन–२ को उपनिर्वाचन आउँदो वैशाख १० गते गर्ने निर्णय गरेको छ । निर्वाचन आयोगको आइतबार बसेको बैठकले प्रतिनिधिसभा सदस्य निर्वाचन ऐन, २०७४ को दफा ६८ बमोजिम २०८० साल वैशाख १० गते आइतबार चितवन क्षेत्र नं. २ मा प्रतिनिधिसभा सदस्यका लागि उपनिर्वाचन गर्ने निर्णय गरेको हो ।