पाल्पा, इन्टरनेट सेवा प्रदायक कम्पनी वल्र्डलिंकले दशैं पर्वलाई लक्षित गरी ‘वल्र्डलिंक फेसटिभीटी’ अफर सार्वजनिक गरेको छ । यो अफर अन्तर्गत ग्राहकहरुले आफ्नो सब्सक्रिप्सनमा ३ फरक–फरक आकर्षक प्याकेजहरु प्राप्त गर्न सक्नेछन् । कम्पनीका अनुसार पहिलो प्याकेज ‘फस्ट अफर’ अन्तर्गत १ हजार ५० रुपैयाँ प्रति महिना (वार्षिक सदस्यता) मा ग्राहकहरुले डुवल ब्यान्ड राउटर र २ सय एमबीपीएस इन्टरनेट सेवा प्राप्त गर्न सक्नेछन् ।

‘२ राउटर्स प्याकेज अन्तर्गत १ हजार ५० रुपैयाँमा प्रति महिना (वार्षिक सदस्यता) मा ग्राहकहरुले नोकिया बेकन १.१ मेस राउटर, डुवल ब्यान्ड राउटर र उच्च गतिको इन्टरेटका साथै अटुट कनेक्सन सहितको २ सय एमबीपीएस इन्टरनेट प्राप्त गर्न सक्नेछन् ।’ सबै भन्दा राम्रो मनोरञ्जनको प्याकेज एकै ठाउँमा प्राप्त गर्न सकिने ‘स्मार्ट अफर’ अन्तर्गत १ हजार ५० रुपैयाँ प्रति महिना (वार्षिक सदस्यता) नोकिया बेकन १.१ मेस राउटर, २ सय एमबीपीएसको इन्टरनेट सेवा साथमा सम्पूर्ण प्रकारका आवश्यकताहरुलाई मध्यनजर गर्दै, सेट टप बक्सको साथमा मासिक नेटटीभी मात्र १ सय ५० रुपैयाँमा प्राप्त गर्नेछन् । यो अफर १ वर्ष, ६ महिना वा ३ महिनाको प्याकेजहरुमा उपलब्ध हुनेछ । साथै उपलब्ध हुने सबै स्पिडहरुमा, सम्पूर्ण ग्राहकहरुका लागि (नयाँ तथा हालका) लागु हुने कम्पनीको भनाइ छ ।