पाल्पा, एनसेल आजियाटा लिमिटेडले युवा लक्षित ‘सही यो ! पावर सिम’ फेरि सञ्चालनमा ल्याएको छ । इन्स्टाग्राम, माईफाइभ लगायत विभिन्न डिजिटल सेवाहरुमा निःशुल्क पहुँचका साथै आकर्षक बण्डल सेवा यसको प्रमुख विशेषता हो । एनसेलका अनुसार सोमबार (साउन २३) बाटै ग्राहकले करसहित ९७ रुपैयाँमा यो सिम लिन सक्ने छन् ।

यो सिममा ग्राहकले २० रुपैयाँको मेन ब्यालेन्ससहित सात दिन समयावधि रहेको २०० एमबी डेटा, २० मिनेट अन नेट टक टाइम र २० वटा अन नेट एसएमएस पाउने छन् । यसका साथै युवाहरूको लागि विशेष सही यो प्याक लिने ग्राहकले प्याक सुरु भएको दिनबाट ३० दिनसम्म इन्स्टाग्राम सेवा नियमित रूपमा निःशुल्क चलाउन सक्नेछन् । प्याक सुरु गर्ने ग्राहकले ३० दिनसम्म माइफाइभ सेवा पनि निःशुल्क सञ्चालन गर्न सक्नेछन् । माइफाइभ सेवा अन्तर्गत ग्राहकले कुनै पाँचवटा एनसेल नम्बरहरू पेयर गरी ती पाँच माइफाइभ नम्बरहरूमा प्रतिमिनेट ५० पैसामा कुराकानी गर्न सक्नेछन् ।

ग्राहकले सिम सुरु गरेको २ देखि ६ महिनाको अवधिभित्र ५० रुपैयाँ वा सोभन्दा बढि रिचार्ज गरेमा निःशुल्क इन्स्टाग्राम र माइफाइभ सेवा पुनः सुरु हुनेछ । यसै प्याक अन्तर्गत ग्राहकले मेरो स्कुल, रमाइलो गेम्स र हङगामा म्युजिक जस्ता विभिन्न डिजिटल सेवाहरूको ३० दिनसम्म निःशुल्क मजा लिन सक्नेछन् ।