पाल्पा, नेपालका लागि यामाहा बाइकको आधिकारिक वितरक यामाहा नेपालले विजेतालाई थाइल्याण्ड पठाउन लागेको छ । असार ९ गतेबाट कम्पनीले सुरु गरेको ‘रोड टू मोटोजिपी’ नामक स्किम अन्तर्गत यामाहाको आधिकारिक शोरूममा आई फारम भर्नेहरूमध्ये बाट लक्की ड्रमार्फत एक जना र बाइक/स्कुटर खरिदकर्ताहरूमध्ये ३ जना भाग्यशाली विजेताहरूको छनोट गरी थाइल्याण्ड लैजान लागिएको हो ।

चाङ अन्तर्राष्ट्रिय सर्किट, थाइल्याण्डमा हुन गइरहेको मोटो जिपी, २०२२ प्रत्यक्ष हेर्न चार जना विजेतालाई लैजान लागेको छ । ‘रोड टू मोटोजिपी’ यामाहा नेपालले बाइकप्रेमीहरूलाई मोटोजिपी प्रत्यक्ष हेर्दाको दूर्लभ अनुभव प्रदान गर्ने उद्देश्यका साथ मोटोजिपीसँग समन्वय गरी ल्याएइएको स्कीम रहेको कम्पनीले जनाएको छ । ती चारजना भाग्यशाली विजेताहरूका लागि सो अवधिभरको लजिङ र फुडिङको व्यवस्था पनि कम्पनीले नै बेहोर्ने कम्पनीले उल्लेख गरेको छ ।

असार ९ गते जेनेसिस क्याफेमा कम्पनीले आफ्नो स्पोर्ट बाइक आरवान १५ एमको लञ्चसँगै ‘रोड टू मोटोजिपी’ नाम दिई उक्त स्कीम सार्वजनिक गरेको थियो जसअन्तर्गत कम्पनीको आधिकारिक शोरूममा आई फारम भर्नेका लागि सो स्कीम लागू गरिने व्यवस्था कम्पनीले गरेको थियो । यस वर्षको मोटोजिपी थाइल्याण्डको चाङ अन्तर्राष्ट्रिय सर्किटमा भाद्र १४–१७ सम्म हुनेछ र स्कीममा सहभागी हुन मानिसहरूले साउन मसान्तसम्ममा कम्पनीको आधिकारिक शोरूममा आई फारम भरिसक्नुपर्ने कम्पनीले जानकारी दिएको छ ।