पाल्पा, महिला वडा सदस्य पदका लागि उम्मेदवारी दर्ता गराएका जिल्लाका दुई पालिकाका ३ वटा वडामा तीन जना सदस्यको एकल उम्मेदवारी परेको छ । पूर्वखोला गाउँपालिकाका दुई र निस्दी गाउँपालिकाका एक महिलाको एकल उम्मेदवारी परेको निर्वाचन आयोग कार्यालयले जनाएको छ ।

पूर्वखोला गाउँपालिका वडा नं. २ जल्पाकी महिला सदस्य भिमिसरा आले र वडा नं. ५ विरकोटकी दलित महिला सदस्य पार्वती हिताङ्गको एकल उम्मेदवारी परेको पूर्वखोला गाउँपालिकाका निर्वाचन अधिकृत मधु अर्याल खनालले बताईन् । निस्दी गाउँपालिका–६, अर्चलेमा पनि दलित महिला सदस्यको एकल उम्मेदवारी परेको निस्दी गाउँपालिकाका निर्वाचन अधिकृत राजु नेपालले बताए । अन्य दलबाट वा स्वतन्त्र उम्मेदवारी नपरेपछि लालीमाया विक एक्लो उम्मेदवार बनेकी हुन् ।