पाल्पा, जिल्लाको माथागढी गाउँपालिका ३ मा आगो ताप्ने क्रममा जलेर एक महिलाको ज्यान गएको छ । माथागढी–३ की ६२ वर्षीया सुमित्रा कुमालको आफ्नै घरमा आगो ताप्ने क्रममा जलेर ज्यान गएको हो ।

उनी अचानक साडीमा आगो सल्किन गई घुँडा भन्दा माथिको भाग जलेर घाइते भएकी थिइन । घाइते उनको उपचारका क्रममा युनाइटेड मिसन अस्पतालमा विहीबार मृत्यु भएको जिल्ला प्रहरी कार्यालयले जनाएको छ । कुमाल आगोले जलेर गत फागुन ८ गते घाइते भएकी थिइन । घाइते उनलाई उपचारका लागि परिवारले मिसन अस्पताल लगेको थियो । घटनाको थप अनुसन्धान भइरहेको जिल्ला प्रहरी कार्यालयले जनाएको छ ।