पाल्पा, तानसेनमा एक युवा आफ्नै घरमा मृत अवस्थामा भेटिएका छन् । तानसेन नगरपालिका ९ खर्केडाँडाका ३६ वर्षीय महेश बौडेल सोमबार साँझ आफ्नै घरमा मृत अवस्थामा भेटिएका हुन् ।

बौडेल घरको दोस्रो तलामा सुत्ने खटिया नजिकै मृत अवस्थामा फेला परेको जिल्ला प्रहरी कार्यालयले जनाएको छ । प्रहरीका अनुसार मृत बौडेलले अत्याधिक मादक पदार्थ सेवन गर्ने गरेको बुझिएको छ । घटनाको विषयमा थप अनुसन्धान भइरहेको जिल्ला प्रहरी कार्यालयका प्रहरी निरीक्षक लक्ष्मण पचाभैयाले जानकारी दिए ।