पाल्पा, जिल्लाको तानसेनमा एक मजदुर मृत अवस्थामा भेटिएका छन् । तानसेन नगरपालिका –२ बडिज्ञानटोलमा भाडामा बसी ज्याला मजदुरी गर्दै आएका ३८ वर्षीय बसन्त गिरी शनिबार विहान सिलखानटोल स्थित तानसेन–गुल्मी पक्की सडक खण्डमा मृत अवस्थामा भेटिएका हुन् ।

उनी गुल्मी पक्की सडक खण्डको नजिकै दाईने साइडको भित्तमा घोप्टो परेको अवस्थामा मृत अवस्थामा फेला परेको जिल्ला प्रहरी कार्यालयले जनाएको छ । बिहान ८ बजेको समयमा प्रहरी गस्ती टोलीले गिरीलाई मृत अवस्थामा फेला पारेको थियो । घटनाको विषयमा थप अनुसन्धान भइरहेको जिल्ला प्रहरी कार्यालयका सूचना अधिकारी लक्ष्मण पचभैँयाले जानकारी दिए ।