पाल्पा, दश दिनदेख घरबाट बेपत्ता भएकी एक वृद्धा महिलाको शव फेला परेको छ । जिल्लाको रामपुर नगरपालिका–१० बर्दलेकी ९१ वर्षीया वृद्धा धर्मकुमारी न्यौपानेको शव सोही वडाको जलबिरे सामुदायिक वनको भिरदेखि तल करिव ३ सय मिटर दुरीमा फेला परेको हो ।

माघ ३ गतेदेखि घरबाट बेपत्ता भएकी उनको खोज तलास गर्ने क्रममा उक्त भिरमा बिहीबार साँझ ४ बजे शव फेला पारिएको प्रहरीले जानकारी दिएको छ । उक्त घटनाको थप अनुसन्धान भइरहेको पाल्पाका प्रहरी निरीक्षक लक्ष्मण पचभैयाले जानकारी दिए ।