पाल्पा, जिल्लाको बगनासकाली गाउँपालिका ९ चापपानी स्थित ठकुरीबारी मोडमा भ्यान दुर्घटना भएको छ । तानसेनबाट दर्लामडाँडातर्फ जादै गरेको लु १ ज २५३९ नं.को भ्यान विहिबार(आज) विहान दुर्घटना भएको हो । दुर्घटनामा चालक सहित ६ जना यात्रु घाइते भएका छन् ।

घाइते हुनेहरुमा चालक तानसेन नगरपालिका ६ का २६ वर्षका पवन राना,सोही स्थानका ३९ वर्षकी निर्मला खराल, ४४ वर्षका शिव खराल, नवलपरासी वर्दघाट नगरपालिका १० बस्ने वर्ष ४० की सरस्वती चापागाई, बुटवल उपमहानगरपालिका ११ नहरपुर बस्ने वर्ष ४३ की मिना भट्टराई, सोही स्थानकी २८ वर्षकी विना बस्याल घाईते भएको जिल्ला प्रहरी कार्यालयले जनाएको छ ।

घाईतेहरुको युनाइटेड मिसन अस्पतालमा उपचार भइरहेको छ भने, अवस्था सामन्य रहेको छ । गाडी आफै अनियन्त्रित भई सडकको बायाँ साईटमा पल्टिन पुगेको थियो । दुर्घटनाको थप अनुसन्धान भइरहेको प्रहरीले जनाएको छ ।