पाल्पा, स्वतन्त्र पत्रकार संघको केन्द्रीय साधारणसभा आगामी असारमा हुने भएको छ । जिल्लाको भैरवस्थान मन्दिरमा स्वतन्त्र केन्द्रीय सचिवालयको बैठक बसी आगामी असारमा केन्द्रीय साधारण सभा हुने जानकारी दिएको हो । बैठकले सदस्यता नविकरण, जिल्ला अधिवेशन तथा साधारण सभा र विभिन्न विद्यामा ख्याती प्रात्त पत्रकारहरुलाई सम्मान गर्ने जनाएको छ ।

बैठकमा वरिष्ठ उपाध्यक्ष केवी सम्राट, महिला उपाध्यक्ष अम्बिका पाण्डेय, उपमहासचिव नवराज सिलवालले आ-आफ्नो धारणा व्यक्त गरेका थिए । संघले केन्द्रीय साधारण सभा आगामी असार २० गते काठमाडौंमा गर्ने निर्णय गरेको छ । बैठक संघका अध्यक्ष केवी मसालको अध्यक्षता र महासचिव जिवलाल सुवेदीको सञ्चालनमा भएको हो ।