कृष्ण पोखरेल

तानसेन, सिद्धार्थ राजमार्गको तानसेन पोखरा सडक खण्डको पोखराथोकमा ट्रकको ठक्करबाट आईतबार विहान एक बटुवाको मृत्यु भएको छ । स्याङ्जाबाट बुटवलतर्फ जाँदै गरेको ग २ ख ३३५ नम्वरको ट्रकले विहानको समयमा सडकमा हिडिरहेको अवस्थामा ति बटुवालाई ठक्कर दिएको थियो ।

ट्रकको ठक्करबाट घाइते भएका बगनासकाली गाउँपालिका –२ पोखराथोक छतिवनका ५९ बर्षिय श्याम बहादुर रोका (सार्की)को उपचारका लागि युनाइटेड मिसन अस्पताल पुर्‍याएकोमा डाक्टले मृत घोषणा गरेको जिल्ला प्रहरी कार्यालयका सूचना अधिकारी एवं प्रहरी निरीक्षक लक्ष्मण पचभैयाले जानकारी दिए । पैदलयात्रु रोकालाई ठक्कर दिई फरार रहेको ट्रक र चालकलाई प्रहरीले नियन्त्रणमा लिएको छ ।