पाल्पा, जिल्लाको रामपुर नगरपालिका–६, चिप्लेढुंगामा एक पुरुषको मृत फेला परेका छन् । रामपुर तिलकपुरका लाल बहादुर कुमालको छोरा ४५ वर्षीय खगबहादुर कुमाल शुक्रबार मृत फेला परेका हुन् ।

आफ्नै खेतको पानी लगाउने कूलोको बाँधमा कुमाल मृत भेटिएको जिल्ला प्रहरी कार्यालयले जनाएको छ । बिहीबार राति मादक पदार्थ सेवन गरी घरबाट हिडेका उनी शुक्रबार बिहान घर नजिकै मृत फेला परेको जिल्ला प्रहरी कार्यालयका प्रहरी नायव उपरीक्षक रामेश्वर त्वातीले जानकारी दिए । उनका अनुसार मृतक खगबहादुरका छोरा सुजन कुमालले खेतमा पानी लगाउन जाने क्रममा बुवालाई मृत फेला पारेका थिए । घटनाको विषयमा थप अनुसन्धान भईरहेको छ ।