हाम्रा संवाददाता

गुल्मी, जिल्लाको इस्मा गाउँपालिका– ३ तोरीपाटामा चट्याङ लागेर ९ जना घाइते भएका छन् । बुधबार राती चट्याङ पर्दा एकै टोलका ९ जना घाइते भएका हुन् । उनीहरु घरमै बसिरहेको अवस्थामा एक्कासी चट्याङ लागेर घाइते भएको जिल्ला प्रहरी कार्यालयले जनाएको छ ।

चट्याङले लागेर घाइते ९ जनामध्ये १ जनाको पाल्पामा र २ जनाको गुल्मी अस्पतालमा र ६ जनाको स्थानीय स्वास्थ्य संस्थामा उपचार भइरहेको प्रहरीले जनाएको छ । चट्याङले लागेर घाइते १९ वर्षकी रिता नेपालीलाई थप उपचारको लागि पाल्पा पठाइएको प्रहरीले जनाएको छ । २२ वर्षकी गिता नेपाली, ५० वर्षका झके नेपालीको गुल्मी अस्पतालमा उपचार भइरहेको छ । सामान्य घाइते २४ वर्षकी बालिक नेपाली, २८ की लक्ष्मी नेपाली, १९ की लक्ष्मी नेपाली, २२ वर्षकी सिता नेपाली, ३२ वर्षकी पार्वती नेपाली, २९ वर्षकी जल्पा नेपालीको स्थानीय स्वस्थ्य संस्थामा उपचार गरिएको प्रहरीले जनाएको छ । चट्याङले लागेर तेजबहादुर नेपालीको एउटा गोरु समेत मरेको छ । इस्मा गाउँपालिका क्षेत्रमा बुधबार अविरल वर्ष भएको थियो ।