काठमाडौं, धितोपत्र बजारमा शेयर कारोबार मापक नेप्से परिसूचक बिहीबार उच्च अंकले ओरालो लागेको छ । नेपाल स्टक एक्सचेञ्जका अनुसार नेप्से ५०.१३ बिन्दुले घटेर दुई हजार ९ सय २६.८९ मा ओर्लेको हो । यस्तै, ठूला कम्पनीको शेयर कारोबार मापन गर्ने सेन्सेटिभ परिसूचक ८.९० बिन्दुले ओरालो लागेर ५४१.७७ बिन्दुमा ओर्लेको छ । नेप्से आरोलो लागेसँगै कारोबार रकम समेत ओरालो लागेको छ । कूल २ सय ३० कम्पनीको एक करोड ८१ लाख नौ हजार ९ सय ६७ कित्ता शेयर नौ अर्ब ५० करोड ५९ लाख ७० हजार ८ सय २२ मूल्यमा खरिद बिक्री भए  । कारोबार भएका कूल १३ उपसमूहकै शेयर ओरालो लागेको छ । बैंकिङ १६.४३, व्यापार ३८.५६, होटल तथा पर्यटन ०.९६, विकास बैंक १८६.१३, वित्त ११३.८८, उत्पादन १२७.०५, अन्य ३७.५२, लघुवित्त २३.४७, जीवन बीमा ३४२.०२, सामूहिक लगानी कोष ०.१४ र लगानी ३.५१ बिन्दुले ओरालो लागेको छ । कारोबारका आधारमा अरुण भ्याली हाइड्रोपावर कम्पनी शीर्ष स्थानमा रहेको छ ।

सो कम्पनीको ५७ करोड ४० लाख १२ हजार २ सय ९१ बराबरको कारोबार भयो । अपि पावर कम्पनी ३२ करोड ९९ लाख ९८ हजार ४ सय ५८, ङादी ग्रुप अफ पावर २३ करोड ३१ लाख ४६ हजार ९ सय ५३, युनाइटेड मोदी २२ करोड २० लाख ७४ हजार ८ सय ८२ र हिमालयन डिस्टिलरी २० करोड १० लाख ७९ हजार २ सय ९० बराबरको कारोबार भई शीर्ष स्थानमा रहे । शेयर कारोबार हुने साताको अन्तिम दिनको अवस्थामा बजार पूँजीकरण ४० खर्ब ८९ अर्ब ५८ करोड ९४ लाख ६५ हजार ३९ बराबर पुगेको छ । नेप्सेका अनुसार सानिमा लाइफ इन्स्योरेन्स कम्पनी र मनकामना स्मार्ट लघुवित्तको शेयरमा १० प्रतिशतले वृद्धि भई सकारात्मक सर्किट लाग्यो । चन्द्रागिरी हिल्स ५.२३, खानीखोला हाइड्रोपावर ५ र डिप्रोक्स लघुवित्तका लगानीकर्ताले ४.३२ प्रतिशतले कमाए । त्यस्तै, नारायणी डेभलपमेन्ट बैंक ६.८७, कर्पोरेट डेभलपमेन्ट बैंक ६.४८, अरुण काबेली पावर ६.०९, एनआरएन इन्फास्ट्रकचर ५.८८ र कर्णाली डेभलपमेन्ट बैंकका लगानीकर्ताले ५.८० प्रतिशतले गुमाए । –रासस