गुल्मी, नेपाली काँग्रेस केन्द्रीय नीति, अनुसन्धान तथा प्रशिक्षण प्रतिष्ठानका सदस्य छन्द बहादुर पहराईले वर्तमान नेपाल कम्युनिष्ट पार्टीको सरकारले देशमा सुशासन कायम गर्न नसकेको बताएका छन् । जिल्लाको ईस्मा गाउँपालिका ६ राङदलचौरमा नेपाल तरुण दल गुल्मी क्षेत्र नं. २ को क्षेत्रिय भेलााई सम्बोधन गर्दै प्रतिष्ठानका सदस्य पहराईले वर्तमान सरकारको दुई वर्ष अवधिको मूल्याड्ढन गर्दा सुशासन कायम गर्न नसकेको बताएका हुन् । उनले वर्तमान सरकारले खोक्रो राष्ट्रवाद देखाएर जनतालाई झुक्याउने काम गरेको आरोप लगाए ।

सरकारले देशमा भ्रष्टाचारलाई नियन्त्रण गर्न नसकेको आरोप लगाउँदै पहराईले भने, ‘भ्रष्टाचारीहरुलाई स्वयम सरकारले नै संरक्षण गरेको छ ।’ सरकारले संविधानको कार्यान्वयनमा रुची नदेखाएको भन्दै सम्पूर्ण संवैधानिक आयोगहरुलाई आफ्नो नियन्त्रणमा राख्न खोजेको बताए । उनले प्रतिपक्षी पार्टीलाई पूर्ण रुपमा किनारा लगाउन खोजेको आरोप लगाए । त्यस्तै नेपाली काँग्रेसका महाधिवेशन प्रतिनिधि डा.दामोदर भुसाल,नेपाली काँग्रेस जिल्ला सदस्य झविन्द्र विश्वकर्मा, नेपाली काँग्रेस क्षेत्र नं. २ प्रदेश (क) का सभापति पूर्ण केसी प्रदेश (ख) का सभापति रेखाकुमार जिसी, नेपाल विद्यार्थी संघका कार्यवहाक जिल्ला सभापति रामप्रसाद पन्थी (राम्जी) लगायतले भेलालाई सम्बोधन गरेका थिए । नेपाल तरुण दल क्षेत्र नं. २ का सभापति झविन्द्र अर्यालको सभापतित्व, सचिव राजेन्द्र थापाको सञ्चालनमा कार्यक्रम भएको थियो ।