गुल्मी, सवारी साधान चोरी गर्ने व्यक्तिलाई सार्वजनिक गरिएको छ । सवारी चोरी गर्ने २३ वर्षका सन्दिप चुदारालाई जिल्ला प्रहरी कार्यालयले सार्वजनिक गरेको हो ।

चुदाराले फागनु १८ गते राति जिल्लाको रेसुङ्गा नगरपालिका–१, आदर्श पथमा पार्किङ्ग गरी राखेको केशव अधिकारीको लु १ च ६१६४ नम्बरको सेतो रङको बलेरो डवल क्याप गाडी चोरी गरेको स्वीकार गरेको प्रहरी उपरीक्षक (एसपी) गोपालचन्द्र भट्टराइले बताए । चुदाराले पेचकसले ढोका खोली गाडी भित्र रहेको सानो चाबीले स्टार्ट गरी उक्त गाडी लगी धुर्कोट पुगी पुन फर्कि हुलाके हुँदै ईन्द्रगौडा भई सत्यवती गाउँपालिकाको उर्लीखोला भन्ने स्थानमा पुग्दा गाडीको स्टार्ट बन्द भए पश्चात सोही स्थानमा छोडेर त्यहाँबाट हिड्दै घरमा आएको प्रहरीलाई बयान दिएका थिए ।

उनले फागुन २२ गते राती रेसुङ्गा नगरपालिका–१, उदिनढुङ्गा ओरालो मन्दिरनिर पार्किङ्ग गरी राखेको लु ५७ प ४५५ नम्बरको १५० सि.सी.को रातो कालो पल्सर मोटरसाइकल पनि चोरी गरेको प्रहरीले जनाएको छ । त्यस्तै सोही स्थानमा कमल क्षेत्रीले पार्किङ्ग गरी राखेको बा ७४ प ९३९० नम्बरको खरानी रङको मोटरसाइकलन पनि उनले चोरी गरेको जनाइएको छ । पछिल्लो केहि दिन यता सदरमुकाम सहित ग्रामीण क्षेत्रमा चोरीका घटनाहरु बढेका छन् ।