पाल्पा । जिल्लाको रामपुर नगरपालिका ८ ढकालचौपारीको एक घरमा लुटपाट गरी नगद र गहना चोरी भएको छ । स्थानीय मनकुमारी श्रेष्ठको घरबाट मंगलबार बिहान १ः ३० बजेको समयमा लुटपाट गरी नगद तीन लाख अन्ठाउन्न हजार र सुनका विभिन्न गहना चोरी भएको हो ।

श्रेष्ठको घरमा अपरिचित ३ जना व्यक्तिहरु आई अचानक खुकुरी देखाएर कुटपिट गरी डर धम्कि दिई बाकस र दराजमा रहेको नगद र ९ लाख ५० हजार रुपैयाँ बराबरको सुनका गरगहना चोरी भएको जिल्ला प्रहरी कार्यालयले जनाएको छ । अहिले लुटपाटमा संलग्न व्यक्तिहरुको खोजी भइरहेको छ ।