पाल्पा । पाल्पामा लागुऔषध सहित दुई जना पक्राउ परेका छन् । प्रहरीले रामपुर नगरपालिका ३ का ३१ वर्षीय सुरेन्द्र घिमिरे र सोही स्थानका २४ वर्षीय प्रमोद घिमिरेलाई लागूऔषध सहित तानसेन ८ माथिल्लो डुम्रेबाट पक्राउ गरेको हो । उनीहरुको साथबाट प्रहरीले डाईजेपाम ४ पिस, आईपिपिएल २ पिस, सिरिन्ज २ सेट लागुऔष फेला पारेको प्रदेश प्रहरी कार्यालयल दाङले जनाएको छ ।

बिहीबार बेलुकी बुटवलबाट रामपुरतर्फ जादै गरको बा ७० प २९४४ नम्बरको मोटरसाइकल पार्किङ गरी राखेको मोटरसाइकलबाट तेल चोरी गरी भागेपछि उनीहरूलाई प्रभास चौकी प्रभासबाट प्रहरी नायव निरीक्षक एक्का बहादुर नेपालीको नेतृत्वमा गएको टोलीले डुम्रेबाट पक्राउ गरेको थियो । उनीहरुलाई अहिले नियन्त्रणमा लिइ अनुसन्धान थालिएको प्रहरीले जनाएको छ ।