पाल्पा, साताको अन्तिम सेयर कारोबार दिन बिहीबार नेप्से परिसूचक एकल अंकले घटेर बन्द भएको छ । नेप्से ७‍ दशमलव २६ अंकले घटेको हो । नेप्से घटेसँगै २ हजार ६ सय ७८‍ दशमलव ४७ विन्दुमा बन्द भएको छ । बुधबार नेप्से ७ दशमलव २६ अंकले घटेको थियो । कुल ७६ कम्पनीको सेयर मूल्य बढ्यो भने १६२ कम्पनीको सेयर मूल्य घट्यो । कुल ६ कम्पनीको मूल्य स्थिर रह्यो । सोही अवधिमा ७८ हजार ८ सय ३५ पटकको सेयर किनबेचबाट ७ अर्ब ९२ करोड १३ लाख रुपैयाँको कारोबार भएको छ । कुल १ करोड ५८ लाख ७५ हजार १ सय ५२ कित्ता सेयर किनबेच भयो । कुल १३ उपसमूहमध्ये फाइनान्स र माइक्रोफाइनान्स उपसमूह मात्रै बढ्यो । अन्य उपसमूहहरु घट्यो ।

सामान्य अंकले घटेको बजारमा तीन कम्पनीको सेयर सकारात्मक सर्किट लेभलमा कारोबार भयो । मातृभूमि लघुवित्त वित्तीय संस्था,कुमारी सवल योजना,गार्डियन माइक्रो लाइफ इन्स्योरेन्सको  सेयर १० प्रतिशतले बढेको हो । यसैगरी पोखरा फाइनान्सको ९ दशमलव ९८ र बराही हाइड्रोपावरको ६ दशमलव ७७ प्रतिशतले बढ्यो । न्यादी हाइड्रोपावरका लगानीकर्ताले भने यसदिन सर्वाधिक गुमाए । सो कम्पनीको सेयर १० प्रतिशतले घट्यो । कारोबार रकमका आधारमा एनआरएन इन्फ्रास्टक्चर एण्ड डेभलपमेन्ट शीर्ष स्थानमा रह्यो । सो कम्पनीले ३४ करोड १४ लाख ७५ हजार १७४ रुपैयाँ बराबरको सेयर कारोबार ग¥यो । यसैगरी सीईडीबी होल्डिंक्सको २६ करोडको सेयर कारोबार हुँदा राधी विद्युतको २० करोड,सिन्धा विकास बैंक र सेन्ट्रल फाइनान्सको १९/१९ करोड मूल्य बराबरको सेयर कारोबार भयो । कारोबारमा आएकामध्ये ७६ वटा स्टक्सको मात्रै मूल्य बढ्यो । १ सय ६२ वटा स्टक्सको मूल्य घट्दा ६ वटाको स्थिर रह्यो । तीनवटा समूहको उपसूचक बढ्दा बाँकी १० वटाको सूचक नकारात्मक देखिए ।