पाल्पा, सामाजिक क्षेत्रको अग्रणी संस्था लायन्स क्लब इन्टरनेशनल डिष्ट्रिक ३२५ (पी) नेपालको तेस्रो डिष्ट्रिक क्याबिनेट बैंठक पाल्पाको तानसेनस्थित दकमडा माध्यमिक विद्यालयमा हुने भएको छ । क्लव डिस्ट्रिक ३२५ (पि) नेपालको आयोजना र पाल्पामा सञ्चालित एरिया –२ को आतिथ्यतामा यही माघ १७ गते क्याबिनेट बैंठक हुन लागेको हो ।
पाल्पा पर्यटकीय क्षेत्र भएकाले त्यसको विकास र विस्तारमा टेवा पुुगोस् भन्ने उद्देश्यले लायन्सको क्याबिनेट बैंठक तानसेनमा गर्न लागिएको एरिया –२ का सचिव लायन गंगाबहादुर खत्रीले बताए । उनले भने ‘ शुन्दर नगरी तानसेनमा स्थानीय उत्पादन, कला र संस्कृतिको प्रवद्र्धन, स्थानीय व्यापार, व्यवसाय, आन्तरिक तथा बाह्य पर्यटक प्रवद्र्धन, धार्मिक, साँस्कृतिक र प्राकृतिक क्षेत्रको सम्भावनाको खोजी गर्न बंैठक गर्न लागेका हौं ।’ बैठकमा डिष्ट्रिकका पदाधिकारीहरु, विभिन्न क्लबहरुका अध्यक्ष,सदस्य ,लियोका प्रतिनिधिहरुसहित ७ सय बढी लायन्सकर्मीहरुको सहभागिता रहने जनाइएको छ ।
क्लवले आफ्ना हरेक डिष्ट्रिक क्याबिनेट बैंठकहरु पर्यटकीय क्षेत्रहरुलाई लक्षित गर्दै आएको छ । उसले गत वर्ष जेठ २७ गते चौथो क्याबिनेट बैठक तानसेनको श्रीनगर डवली परिषरमा गरेको थियो । त्यति बेला पनि ५ जिल्लाका ७ सय लायन्स सदस्यहरु सहभागी भएका थिए । बैंठकमा क्लबहरुले गरेका कामको समीक्षा तथा आगामी कार्ययोजनाको विषयमा छलफल सहित पाल्पा पर्यटकीय गन्तव्यमा सुरक्षित छ भन्ने सन्देश दिन सफल भएको थियो ।
