पाल्पा, जिल्लामा भएका छुट्टाछुट्टै घटनामा दुई जनाको मृत्यु भएको छ । यहाँको तिनाउ गाउँपालिका र बगनासकाली गाउँपालिकाका छुट्टाछुट्टै स्थानमा भएका घटनामा  दुई जनाको मृत्यु भएको हो । 

जिल्ला प्रहरी कार्यालयका अनुसार तिनाउ गाउँपालिका – २ पाँचकुण्डामा रुखमा घाँस काट्ने क्रममा लडेर एक जनाको मृत्युु भएको छ । यहाँकी ५५ वर्षीया रीमा सारुको आफ्नै घर पछाडी खेतमा रहेको खनियाँको रुखमा घाँस काट्ने क्रममा अचानक रुखबाट लडी मृत्यु भएको हो ।

यस्तै बुधबार नै जिल्लाको बगनासकाली गाउँपालिका– २ पोखराथोक ठूूलिचौपारीस्थित नव कमल निर्माण सेवा प्रा. लि. मा काम गर्ने एक मजदुर मृत अवस्थामा फेला परेका छन् । बर्दिया गेरुवा गाउँपालिका– २ उल्टनपुरका ३५ वर्षीय मायाराम थारु काम गर्ने स्थलको सुत्ने कोठामा मृत अवस्थामा फेला परेका हुन् ।  दुवै  घटनाका विषयमा थप अनुसन्धान भइरहेको जिल्ला प्रहरी कार्यालयका प्रहरी निरीक्षक सन्दिप बेल्वासेले जानकारी दिए ।