पाल्पा, कैलाशनगर मिडिया प्रालिका प्रबन्धक इन्द्रा भट्टराईलाई पितृशोक परेको छ । भट्टराईका ९३ वर्षीय पिता जदुपति पाण्डेको मंगलबार बिहान निधन भएको हो ।

आफ्नै निवास तानसेन नगरपालिका–१३ केरवादीमा उनको निधन भएको पारिवारिक स्रोतले जनाएको छ । उनी केही समयदेखि सामान्य विरामी थिए । पाण्डे मिडियाका अध्यक्ष जगदीश भट्टराईका ससुरा बुवा र नवजनचेतना दैनिकका व्यवस्थापक सीमा भट्टराईका हजुर बुवा समेत हुन् ।  स्व. पाण्डेले सामाजिक, शैक्षिक र राजनीतिक क्षेत्रमा महत्वपूर्ण योगदान पुर्‍याएका छन् । उनी तत्कालिन बौघागुम्वा गाविस वडा नं.९ का वडा अध्यक्ष समेत बनेका थिए । पाण्डेको निधनले बौघागुम्वाले एक असल अभिभावक गुमाएको छ । उनका ६ छोरी र एक छोरा रहेका छन् । पाण्डेको मंगलबार नै हिन्दु परम्परा अनुसार रिडीमा  दाहसंस्कार गरिएको छ ।