इमान सिं राना
पाल्पा (रामपुर) । पाल्पाको रामपुर बाट जुवा खेलिरहेको अवस्थामा प्रहरीले ५ जनालाई पक्राउ गरेको छ । रामपुर नगरपालिका ७ डुम्रीगाउँमा तास खेलिरहेको अवस्थामा उनीहरुलाई नियन्त्रणमा लिएको हो ।

मंगलवार साँझ करिब ५ वजेको समयमा रामपुर ७ डुम्रीगाउँ स्थित यमबहादुर सारुको घरमा जुवा खेलिरहेको अवस्थामा ईलाका प्रहरी कार्यालय रामपुर बाट खटिएका प्रहरी सहायक निरिक्षक श्रवणकुमार थापाको टोलीले तीन बुक तास र ४१ हजार ४ सय २२ रुपैयाँ रकम सहित प्रक्राउ गरिएको हो ।

पक्राउ पर्नेमा रामपुर नगरपालिका ७ डुम्रीगाउँ बस्ने ३८ वर्षीय यमबहादुर सारु, सोही ठाउँकै २९ वर्षीय रामबहादुर श्रेष्ठ, ३८ वर्षका ओमबहादुर मश्राङ्गी, ४२ वर्षका झविलाल विक र ४० वर्षीय चेतबहादुर मल्ल रहेका छन् । उनीहरुलाई पक्राउ गरी थप अनुसन्धान भैरहेको जिल्ला प्रहरी कार्यालय पाल्पाले जनाएको छ । गत फागुन २ गते पनि प्रहरीले रामपुर ५ रानाटोल बाट एक लाख बढी नगद सहित १४ जनालाई जुवाको खाल बाट पक्राउ गरेको थियो । प्रहरीले नगद १ लाख ३ हजार २ सय ८५ रुपैयाँ सहित ८ बुक तास जफत गरेको थियो ।