पाल्पा । जिल्लाको तिनाउँ खोलामा रहेको तिनाउँ जलविद्युत केन्द्रको ड्याम साइडमा पौडी खेल्ने क्रममा बेपत्ता भएका रुपन्देही तिलोत्तमा नगरपालिका ७ भलवाडीका २१ वर्षका प्रदिप रोका अझै भेटिएका छैनन् ।

शनिबार दिउसो ३ बजेको समयमा साथीहरुसँगै खोलामा पौडिखेल्न पुगेका रोका डुवेका थिए । उनको खोजतलास भएपनि अझै भेटिन सकेका छैन । उनीसँगै पौडी खेल्न गएका १७ वर्षका सुमन सारु, १५ वर्षका सुमित चौधरी भने सकुसल रहेको प्रहरीले जनाएको छ । दोभान प्रहरी चौकीका प्रमुख बालबाहादुर घर्तीको कमाण्डमा टोली खटिइ बेपत्ता रहेका रोकाको खोजी कार्य भइरहेको प्रहरीले जनाएको छ । बेपत्ता रोकाको कपडा खोला किनारामै रहेको प्रहरीले जनाएको छ ।