पाल्पा, जिल्लाको माथागढी गाउँपालिका ५ ढावा स्थित भित्री सडक खण्डमा टिपरको ठक्करबाट स्कुटी चालकको मृत्यु भएको छ । माथाबाट सुनवलतर्फ जाँदै गरेको लु ४१ प १८९० नम्वरको स्कुटीलाई विपरीत दिशाबाट आउदै गरेको लु २ ख २०३१ नम्वरको टिपरले ठक्कर दिदा स्कुटी चालक रुपन्देही देवदह नगरपालिका ६ का ४६ वर्षका तुलसिङ सिङकिजको मृत्यु भएको हो ।

उनलाई शनिबार दिउसो टिपरले ठक्कर दिएको थियो । टिपरको ठक्करबाट घाइते भएका उनको उपचारका क्रममा जेनस अस्पताल बुटवलमा मृत्यु भएको जिल्ला प्रहरी कार्यालयले जनाएको छ ।