तानसेन । जिल्ला अस्पताल पाल्पाको औषधी खरिद सम्बन्धी टेण्डरको विषयलाई लिएर कुटपिट गरेको आरोपमा अखण्डप्रसाद बैजुलाई प्रहरीले नियन्त्रणमा लिएको छ ।

जिल्ला अस्पतालको टेण्डरको विषयलाई लिएर शुक्रबार जिल्लाको सिल्खानटोलमा रहेको सेञ्चुरी होटलमा तानपा ३ बस्ने वर्ष ३७ को अखण्डप्रसाद बैजुले बगनासकाली १ बस्ने वर्ष २९ को बसन्तकुमार हिताङलाई कुटपिट गरेका भन्ने निवेदनका आधारमा प्रहरीले वैजुलाई नियन्त्रणमा लिएको हो । हिताङले आफूलाई कुटेपछि धाकधम्की समेत दिएको भनी सार्वजनिक नैतिकता विरुद्धको कसुर अन्तर्गत अभद्र व्यवहार गरेको घटना सम्बन्धी किटानी जाहेरी दिएको जिल्ला प्रहरी कार्यालयले जनाएको छ । हिताङको किटानी जाहेरी पछि बैजुलाई प्रहरी नियन्त्रणमा लिई थप अनुसन्धान भइरहेको प्रहरीले जनाएको छ ।