पाल्पा, नेकपा माओवादी केन्द्र, नेकपा एकीकृत समाजवादीसहितका वामपन्थी राजनीतिक दलको एकतापछि बनेको नेपाली कम्युनिष्ट पार्टी (नेकपा) पाल्पाले तानसेनमा भोली ‘एकता सन्देश सभा’ गर्न लागेको छ । पार्टी एकताको सन्देश तल्लो तहसम्म पुर्याउनका लागि सन्देशसभा आयोजना गर्न लागिएको नेकपाका नेता मथुरा ढकालले बताए ।
तानसेनस्थित टुँडिखेल मैदानमा मगलबार विहान ११ बजेदेखि सभा हुनेछ । सभालाई नेकपाका केन्द्रीय सदस्यहरु प्रकाश ज्वाला, ओन्सरी घर्ती, सोमप्रसाद पाण्डेय लगायतका नेताहरूले सम्बोधन गर्ने छन् । सभामा हजारौं समर्थक उपस्थीति हुने नेकपाले दाबी गरेको छ । नेकपाले सोमबार तानसेनको विशाल बजारमा पार्टी कार्यालयको उद्घाटन समेत गरेको छ ।
गत कात्तिक १९ गते विभिन्न वाम घटकहरूबीच एकता भएर नेपाली कम्युनिष्ट पार्टी बनेको थियो । त्यसपछि एकताको सन्देश दिन नेकपाले देशैभर एकता सन्देश सभा गरिरहेको छ ।
