पाल्पा, नेपाली काँग्रेसकी सह–महामन्त्री महालक्ष्मी उपाध्यय ‘डिना’ ले काँग्रेसको विचार र सिद्धान्तले मुलुक जितेको बताएकी छन् । शनिबार नेपाली काँग्रेस पाल्पाले आयोजना गरेको अन्तक्र्रिया कार्यक्रमलाई सम्बोधन गर्दै उनले यस्तो बताएकी हुन् ।
सह–महामन्त्री उपाध्ययले भनिन् “काँग्रेसको विचार र सिद्धान्तले मुलुक जितेको छ, आज सम्मको पस्थितिलाई हेर्ने हो भने मुलुकलाई काँग्रेसको विचार र सिद्धान्तले अगाडि बढाएको अवस्था हो नि ।” काँग्रेसको विचार र सिद्धान्तबाट आएको लोकतन्त्रकै कारण अन्य पार्टीहरु फस्टाएको उनको भनाई छ । सह–महामन्त्री उपाध्ययले अहिले आएका नयाँ पार्टीहरु लोकतन्त्रै कारण आएका हुन् तर तिनीहरुमा कुनै सिद्धान्त र विचार नभएको बताइन् । काँग्रेस जिल्ला सभापति हिमालदत्त श्रेष्ठको अध्यक्षता, सचिव सन्तोष थापा मगरको स्वागत, अर्का सहिचव सुनिता अधिकारीको सञ्चालनमा कार्यक्रम भएको थियो ।
