पाल्पा, कालीगण्डकीमा नदीमा एक पुरुष मृत फेला परेका छन् । जिल्लाको रम्भा गाउँपालिका –१ बिसमुडे घाटस्थित कालिगण्डकी नदीमा असर्दीका ५२ वर्षीय सञ्जय बोटे आज मृत अवस्थामा फेला परेका हुन् ।

विहीबार  दिउँसो खोलामा माछा मार्न जान्छु भनि घरबाट हिँडेका उनी शुक्रबार मृत अवस्थामा फेला परेका जिल्ला प्रहरी कार्यालयाका प्रहरी निरीक्षक सन्दिप बेल्वासेले जानकारी दिए ।

शवको प्रारम्भिक अनुसन्धानपछि  पोष्टमार्टमको लागि रामपुर अस्पताल पठाइएको छ । घटनाको विषयमा  थप अनुसन्धान भइरहेको प्रहरीले जनाएको छ ।