Shittalpati
रिब्दीकोटमा आगो निभाउन गएका एक पुरुषको मृत्यु

पाल्पा, जिल्लाको रिब्दीकोट गाउँपालिका– ७ पालुङ कोर्तुङस्थित पालुङ सामुदायिक जङ्गलमा लागेको आगो निभाउने क्रममा एक पुरुषको ज्यान गएको छ । आगो निभाउने क्रममा अचानक भिरबाट लडेर सोही ठाउँका ६१  वर्षीय टेकबहादुर सर्तुङ्गेको मृत्यु भएको हो ।

जङ्गलमा लागेको आगो नियन्त्रण गर्ने क्रममा सर्तुङ्गे अचानक भिरबाट लडेका थिए । भिरबाट २० मिटर तल आगो लागिरहेको ठाउँमा उनको जलेर मृत्यु भएको जिल्ला प्रहरी कार्यालयका प्रहरी निरीक्षक सन्दिप बेल्वासेले जानकारी दिए ।

आगोमा जलिरहेको अवस्थामा आज विहान स्थानीयले देखेपछि ईलाका प्रहरी कार्यालय मुझुङमा खबर गरेका थिए । खबर लगत्तै इकालाका प्रहरी चौकी र जिल्ला प्रहरी कार्यालयाट खटेको प्रहरी टोलीले सर्तुङ्गेलाई उद्दार गरे पनि मृत्यु भइसकेको थियो । प्रहरीले प्रारम्भिक अनुसन्धानपछि शव पोष्टमार्टमको लागि जिल्ला अस्पताल पाल्पामा पठाईएको छ ।

प्रकाशित मिति: शुक्रबार, चैत २२, २०८१
प्रतिक्रिया दिनुहोस्
Weather Update