पाल्पा, तानसेनको टुँडिखेल मैदानमा आजदेखि दोस्रो तानसेन महोत्सव २०८१ हुँदैछ । पर्यटन कृषि तथा व्यवसायिक प्रवर्द्धन, रोजगारको पहिचान गर्ने उद्देश्यले महोत्सव हुन लागेको हो ।

१३ दिनसम्म चल्ने महोत्सवको स्वास्थ्य तथा जनसंख्या मन्त्री प्रदीप पौडेल उद्घाटन गर्ने कार्यक्रम रहेको छ । वैशाख ३ गतेसम्म चल्ने महोत्सवको सम्पूर्ण तयारी पुरा भएको मूल आयोजक समितिले विहीबार पत्रकार सम्मेलन गरी जानकारी गराएको छ । एक वर्ष महिनापछि फेरि पाल्पाको तानसेन उत्सवमय बन्दै छ । बच्चाबच्ची, बुढाबुढी, युवा र युवती, सबैको लागि तानसेन महोत्सव उत्सवमय बन्ने छ । गाउँ–गाउँबाट मेला अवलोकनका लागि विभिन्न व्यक्तिहरुले समय मिलाएर आउँदैछन् । आजदेखि यहाँ फरक प्रकृतिको माहोल हुँदैछ । महोत्सवले मानिसहरुको चहलपहल बढ्दो छ । 

तानसेन नगरपालिकाको मुख्य आयोजना, पाल्पा व्यापार सङ्घको आयोजना, उद्योग, पर्यटन तथा यातायात मन्त्रालय, वन तथा वातावरण मन्त्रालय लुम्बिनी प्रदेश, घरेलु तथा साना उद्योग पाल्पाकोे सह–आयोजना तथा एभरेष्ट इभेन्ट म्यानेजमेन्ट प्रालि भरतपुर चितवनको व्यवस्थापनमा महोत्सव हुन लागेको हो । तानसेनको कृषि, रोजगार, पर्यटन तथा व्यापारलाई लक्षित गरी महोत्सव आयोजना गर्न लागिएको पाल्पा व्यापार सङ्घका अध्यक्ष विष्णुबहादुर कार्कीले बताए । उनले धरासय भएको उद्योग, व्यवसाय र पर्यटन क्षेत्रलाई माथि उकास्न यस वर्षको महोत्सवले महत्वपूर्ण टेवा पुग्ने विश्वास लिए । कृषि, पर्यटन, उद्योग व्यवसायको प्रवद्र्धन गर्दै ऐतिहासिक, धार्मिक र सांस्कृतिक पहिचान हुने भएकाले आन्तरिक तथा बाह्य पर्यटक वृद्धि हुने लक्ष्य पनि आयोजकले लिएको उनको भनाई छ । महोत्सवलाई सफल पार्न प्रचार प्रसारलाई व्यापक बनाइदिन अध्यक्ष कार्कीले जिल्लाका पत्रकारहरुलाई आग्रह गरे । उनका अनुसार महोत्सवको सम्पूर्ण तयारी सकिएको छ । पत्रकार सम्मेलनमा संघका निवर्तमान अध्यक्ष बामदेव बस्याल, नेपाल पत्रकार महासंघ पाल्पाका अध्यक्ष कमलराज तिमिल्सेना, व्यापार संघका महासचिव तुलबहादुर अधिकारी लगायतले महोत्सव सबैको उत्सव भएकाले प्रचार–प्रसार गरिदिन सबै समक्ष आग्रह गरे ।

महोत्सवमा तीन सयभन्दा बढी स्टल रहने आयोजकले जनाएको छ । कृषि, उत्पादन, लघु तथा घरेलु प्रदर्शनी, शैक्षिक सामग्री प्रदर्शनी, बैंक तथा वित्तियसंस्था, सूचना प्रविधी, अटोमोबाइल, स्वास्थ, पर्यटन तथा अन्य स्वदेशी उत्पादन र बालउद्यान साथै होटल तथा रेष्टुरेण्ट लगायतका स्टलहरु रहने छन् । महोत्सवको आर्कषकको रुपमा पहिलो पटक फिस टनेल, औद्योगिक वस्तु तथा सेवाहरुको प्रदर्शनी, लघु उद्यमी तथा व्यवसायीहरुलाई प्रोत्साहन गर्ने कार्यकम, कृषि तथा स्थानीय उत्पादनको बजारीकरण र प्रर्वद्वन गर्ने, स्थानीय भाषा, कला सांस्कृति, धार्मिक मूल्य मान्यताहरुको संरक्षण तथा स्थानीय प्रविधि र उत्पादनलाई प्रोत्साहन गर्ने किसिमका क्रियाकलापहरु हुने छन् ।

महोत्सवमा विशेष प्रदर्शनी अन्र्तगत कृषि तथा पशुपंक्षी, स्थानीय उत्पादनको प्रदर्शनी विभिन्न टोल विकास संस्था, विद्यालय, विभिन्न संघसंस्थालगायतको झाँकी ¥याली प्रदर्शन गरिने छ । उक्त झाँकी र्‍यालीमा उत्कृष्ट हुनेलाई पुरस्कार स्वरुप प्रथम हुनेलाई ५० हजार, दोस्रो हुनेलाई ३० हजार, तेस्रो हुनेलाई २० हजार र सान्त्वनालाई ५ हजार र सम्पूर्ण सहभागी समूहलाई सहभागिताको प्रमाण पत्र प्रदान गरिने छ । महोत्सवमा तानसेन डान्स आइडल समेत सञ्चालन हुने छ । जसमा पहिलो हुनेले ४५ हजार ५ सय ५५, दोस्रो हुनेले ३० हजार ५ सय ५५ र तेस्रो हुनेले २० हजार ५ सय ५५ प्राप्त गर्ने छन् । यस्तै विद्यालय स्तरीय नृत्य प्रतियोगिता पनि रहने छ । उक्त प्रतियोगितामा प्रथम हुनेले नगद १५ हजार ५ सय ५५, दोस्रो हुनेले १० हजार ५ सय ५५ र तेस्रो हुनेले ५ हजार ५ सय ५५ रुपैयाँसहित प्रमाण पत्र प्राप्त गर्ने छन् । महोत्सवमा राष्ट्रिय तथा स्थानीय कलाकारहरुको दैनिक प्रस्तुति रहने छ । महोत्सवमा ५ लाख बढी दर्शकले मेलाको अवलोकन गर्ने र ८ करोड भन्दा माथीको कारोबार हुने लक्ष्य आयोजकले लिएको छ । महोत्सव प्रवेशका लागि साधारण टिकटको मूल्य ७५ रुपैयाँ, विद्यार्थी सहुलियत टिकट मूल्य ५० रुपैयाँ र ज्येष्ठ नागरिक र अपा·ता भएका व्यक्तिहरुका लागि प्रवेश निशुल्क गरिएको छ ।