गुल्मी, गुल्मीमा बाँदर धपाउन खोज्दा महिलाको करेन्ट लागेर मृत्यु भएको छ ।  जिल्लाको  मुसिकोट नगरपालिका–७ पल्टारकी ६० वर्षीया चन्द्रकला कुमालको बाँदर धपाउनका लागि राखिएको बिजुलीको तारबाट करेन्ट लागेर मृत्यु भएको हो ।

मृतक कुमालका श्रीमान् कर्णबहादुरले बाँदर धपाउनका लागि आफ्नै बारीमा विद्युत्को तार जोडेको र काम गर्ने क्रममा चन्द्रकलालाई करेन्ट लागेको प्रहरीले जनाएको छ । करेन्ट लागेर घाइते भएकी उनलाई लुम्बिनी वामी हस्पिटल मुसिकोटमा पुर्‍याइएकोमा अस्पतालले मृत घोषणा गरेको थियो । घटनाको थप अनुसन्धान भइरहेको प्रहरीले जनाएको छ ।