Shittalpati
तानसेन नगर प्रज्ञा –प्रतिष्ठानद्वारा  विभिन्न क्षेत्रका ३५ व्यक्ति सम्मानित

पाल्पा, तानसेन नगर प्रज्ञा – प्रतिष्ठानले विभिन्न क्षेत्रमा योगदान पुर्‍याएका ब्यक्तिहरुलाई सम्मान गरेको छ ।  प्रतिष्ठानले नगरको भाषा, साहित्य, कला, संस्कृति, सम्पदा, परम्परा, कृषि, उद्योग, पर्यटन, शिक्षा, स्वास्थ्य, रितिरिवाज, जात्रा, मेलापर्व  समाजसेवा लगायतका क्षेत्रमा महत्वपूर्ण योगदान  दिएका ३५ जना ब्यक्तिहरुलाई  एक कार्यक्रमकाबिच मंगलबार तानसेनमा सम्मान गरेको हो ।

सम्मानित हुनेहरुमा वरिष्ठ पत्रकार तथा शैक्षिक व्यक्तित्व मेघराज शर्मा, पत्रकार तथा साहित्यकार मन गहिरे, शैक्षिक तथा सामाजिक व्यक्तित्व बुद्धी प्रसाद शर्मा, शैक्षिक तथा स्वास्थ्यसेवी गोपाल प्रसाद पोख्रेल, संस्कृति तथा शैक्षिक व्यक्तित्व छत्रराज शाक्य, संस्कृतिक संरक्षक तथा साहित्यकार राजेन्द्र गोपाल सिं,कलाकार अशोकमान सिंह, कलाकार किरण चित्रकार, कृषि उद्यमी केशव कार्की, ४ ढाका उद्यमी ग·ाराम नेपाल, शिक्षा तथा समाजसेवी झमान सिं दर्लामी, शिक्षासेवी  तथा पर्यटन उद्यमी टुक बहादुर थापा (अर्गाली), शिक्षासेवी देव प्रसाद ब्रजाचार्य, शिक्षा तथा समाजसेवी द्धारीका  प्रासद शर्मा, पर्यटन उद्यमी धनिश्वर बस्याल, कलाकार तथा अभिनेता  धिरेन शाक्य सम्मानित भएका छन् । यस्तै साहित्यकार डा. नारायण प्रसाद गैरे,  धातु तथा करुवा उद्यमी, प्रदीप कुमार ब्रजाचार्य, संगीतकर्मी भरत देउराली, धातु तथा संस्कृति संरक्षक मंगल प्रसाद ब्रजाचार्य, संगीतकर्मी तथा संस्कृतिबिद्हरु मदन देउराली,  महेश देउराली, गायक मिना नेपाली गैरे, स्वास्थ्यसेवी रचेल कारक, साहित्यकार रजिउल्ला मिया, शैक्षिक तथा साहित्यिक व्यक्तित्व राधाकृष्ण शर्मा, स्वास्थ्यसेवी लोकमान शाक्य, साहित्यकारहरु बनमाली निराकर,  विजय सागर, पर्यटन उद्यमी सावित्रा भुसाल, साहित्यकार प्रा.डा. सावित्री कक्षपति, शिक्षाबिद्  तथा समाजसेवी सुशिला श्रेष्ठ, ढाका उद्यमी हरि कृष्ण कार्की, स्वास्थ्यसेवी विश्वमान बज्राचार्य र साहित्यकार अजम्वरध्वज खातीलाई प्रतिष्ठानले सम्मान गरेको हो । उनीहरुलाई कार्यक्रमका प्रमुख अथिति  तानसेन नगरपालिकाका नगर प्रमुख  सन्तोषलाल श्रेष्ठ नगद १०/१० हजार, दोसल्ला र प्रमाणपत्रले सम्मान गरेका थिए ।

सम्मान गर्दै उनले तानसेन नगर भित्र रहेका भाषा, साहित्य, कला, संस्कृति, सम्पदा, परम्परा, कृषि , उद्योग , पर्यटन ,शिक्षा, स्वास्थ्य, रितिरिवाज, जात्रा, मेलापर्व  समाजसेवा लगायतका क्षेत्रको विकासमा सहयोग पुुगोस् भन्ने उद्देश्यले नगरपालिका मातहत प्रतिष्ठान गठन गरिएको बताए । उनले यस वर्ष प्रतिष्ठानको लागि १५ लाख बजेट विनियिजन गरिएको समेत बताए । शष्ट अतिथि  प्रमुख जिल्ला अधिकारी तोयनारायण सुवेदीले सम्मानले  योगदानको कदर गरेको भन्दै प्रतिष्ठानको प्रशंसा गरे । नेपाल पत्रकार महासंघ पाल्पाका सचिव रामचन्द्र रायमाझीले जुन क्षेत्रका व्यक्तिहरुलाई सम्मान गरिएको छ ति क्षेत्रको पीडालाई सम्बोधन गर्न सके मात्र सम्मानले सार्थकता प्राप्त गर्ने बताए । कार्यक्रममा सम्मानित व्यक्तिहरु अशोकमान  सिं, सुशिला श्रेष्ठ, गोपालबहादुर पोख्रेल, प्रा.डा. सावित्री कक्षपति लगायतले आफुहरुको योगदानको गरेकोमा प्रतिष्ठानलाई धन्यवाद दिए । प्रतिष्ठानका उपकुलपति चोलेश्वर शर्माको अध्यक्षता, सदस्य अर्चना शाक्यको स्वागत, सदस्य सचिव दुर्गाबहादुर थापाको सञ्चालनमा कार्यक्रम भएको थियो ।

प्रकाशित मिति: बुधबार, चैत १३, २०८१
प्रतिक्रिया दिनुहोस्
Weather Update