पाल्पा, कालीगण्डकी नदीमा एक वृद्धको शव फेला परेको छ ।  स्याङ्जाको चापाकोट नगरपालिका –८ ज्याग्दीघाटस्थित कालिगण्डकी नदि  किनारमा पाल्पा रम्भा गाउँपालिका–१ हुँगीका  ८७  वर्षीय देबिलाल भट्टराईको शव  फेला परेको हो ।

माघ २१ गते घरबाट हिडेका भट्टराईको सोमबार विहान घोप्टो  परेको अवस्थामा शव फेला परेको जिल्ला प्रहरी कार्यालय स्याङ्जाका प्रहरी नायब उपरीक्षक हरिप्रसाद पौडेलले जानकारी दिए । शव फेला परेको जानकारी पाउन साथ जिल्लाबाट प्रहरी अधिकृत सहितको टोली घटनास्थलमा पुगी मुचुल्का उठाई शव पोष्टमार्टमको लागि चापाकोट अस्पताल पठाएको जनाइएको छ । घटनाको विषमा थप अनुसन्धान भईरहेको प्रहरी नायब उपरीक्षक पौडेलले जानकारी दिए ।