काठमाण्डौ, सुनको भाउ अहिलेसम्मकै उच्च भएको छ । सुन सोमबार तोलाको ३ सय रुपैयाँले बढेर एक लाख ५० हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

आइतबार सुनको भाउ तोलामा एक लाख ४९ हजार सात सय रुपैयाँ रहेको थियो । अस्ति शुक्रवार अहिलेसम्मकै उच्च एक लाख ४९ हजार नौ सय रुपैयाँ पुगेको थियो । आइतबार दुई सय रुपैयाँ घटेको सुन सोमबार तोलामा तीन सय रुपैयाँ बढेर अहिलेसम्मकै उच्च रेकर्ड कायम हो ।

त्यस्तै  सोमबार चाँदीको भाउ भने यथावत् रहेको छ । चाँदीको भाउ  सोमबार पनि आइतबार जस्तै तोलाको एक हजार सात सय ८५ रुपैयाँ  रहेको महासङ्घले जनाएको छ ।