संगीता आचार्य
पाल्पा, जिल्लाको रम्भा गाउँपालिका –५ ढाकरडाँडामा काब्रोको रुखबाट लडेर एक जना महिलाको मृत्युु भएको छ । शुक्रबार विहान सोही ठाउँकी ३१ बर्षीया मीना कुमारी लामिछाने मगरको आफ्नै बारीमा रहेको काब्रोको रुखमा चढेर घाँस काट्ने क्रममा लडेर मृत्युु भएको हो ।

रुखमा चढेर घाँस काट्दै गर्दा मगर अचानक लडेकी थिइन् । लडेर गम्भीर घाइते भएकी उनलाई  उपचारका लागि आफ्न्तले लुम्बिनी मेडिकल कलेज प्रभास पुर्‍याएका थिए । ति महिलाको उपचारको क्रममा  शुुक्रबार नै मृत्युु भएको  जिल्ला प्रहरी कार्यालयका प्रहरी नायक उपरीक्षक सुगन्ध श्रेष्ठले जानकारी दिए ।  घटनाको विषयमा थप अनुसन्धान भईरहेको जिल्ला प्रहरी कार्यलयले जनाएको छ ।