पाल्पा, जिल्लाको सामाजिक क्षेत्रमा क्रियाशील रहेको मैत्री क्लव तानसेनको वार्षिक उत्सव तथा अधिवेशन तानसेनमा भएको छ । क्लवले ४४ औं वार्षिक उत्सव तथा २० औं अधिवेशन गरेको हो ।
अधिवेशनले तीन वर्षे कार्यकालका लागि नयाँ नेतृत्व चयन गरेको छ । जसको अध्यक्षमा मनिता शाक्य, प्रथम उपाध्यक्षमा पञ्च शाक्य, दोस्रो उपाध्यक्षमा सुष्मा महर्जन, सचिवमा विनुु थापा शाक्य, कोषाध्यक्षमा सपना बज्राचार्य, सह–सचिवमा सुुशीला शाक्य रहेका छन् । क्लवको सदस्यहरुमा दीपेन्द्र बज्राचार्य, सचिन उदास, सुरेश श्रेष्ठ, प्रदिप शाक्य, तेजेन्द्र लाल शाक्य, सन्दीपलाल शाक्य, सरिता बज्राचार्य , सुजन शाक्य, अमृत लाल शाक्य, कविता शाक्य रहेको क्लवका पूर्व अध्यक्ष बिशान्तर शाक्यले जानकारी दिए ।
क्लवले वार्षिक उत्सवको अवसरमा एसइईमा उर्तिण विद्यार्थीहरुलाई सम्मान गरेको छ । क्लवमा आवद्ध सदस्यहरुका छोराछोरीहरु मध्येबाट एसइईमा उत्र्तिण भएका विद्यार्थीलाई सम्मान गरिएको हो । हरेक वर्ष जस्तै यस वर्ष पनि एसइईमा उत्र्तिण विद्यार्थीहरुलाई सम्मान गरिएको क्लवका पूर्व अध्यक्ष शाक्यले बताए । उनका अनुसार सम्मानित विद्यार्थीहरुलाई नगद सहित प्रमाण पत्रले सम्मान गरिएको थियो । कार्यक्रममा तानसेन नगरपालिका– ३ का वडा अध्यक्ष बाबुरत्न शाक्यले क्लवलाई थप एकतावद्ध र रचनात्मक कार्यक्रम गर्दै अगाडि बढ्न नेतृत्वलाई आग्रह गरे । उनीहरुले क्लवलाई समाजका विकृति र विसंगतीलाई उजागर गर्दै समाज रुपान्तरणमा लाग्नुपर्नेमा जोड दिए ।
कार्यक्रममा क्लवका पूर्व अध्यक्ष मनिन्द्र बज्राचार्य, संस्थापक सदस्य उत्तम कुमार बज्राचार्य,निवर्तमान अध्यक्ष सन्ध्या बज्राचार्य लगायतले क्लवको सफलताको कामना गरेका थिए । सोही अवसरमा क्लवका कोषाध्यक्ष सन्दीप लाल शाक्यले आय व्यय प्रस्तुुत गरेका थिए भने सुशीला शाक्यले आस्था वाचन गरेकी थिइन् । कार्यक्रम उद्घाटन सत्र क्लवका अध्यक्ष धिरेन्द्र लाल शाक्यको अध्यक्षता, प्रथम उपाध्यक्ष मनिता शाक्यको स्वागत, सचिव सुरेश प्रसाद श्रेष्ठको सञ्चालनमा कार्यक्रम भएको थियो ।
