पाल्पा, कालीगण्डकी नदीमा डुबेर बेपत्ता भएकी किशोरी मृत फेला परेकी छन् । जिल्लाको रामपुर नगरपालिका–८, भुजातस्थित कालीगण्डकी नदीमा नुुहाउने क्रममा जेठ ३२ गते बेपत्ता भएकी रामपुर –८, भुजातकी १४ वर्षीया पार्वती राम्जाली मृत फेला परेकी हुन् ।

नदीमा बेपत्ता भए पछि उनको प्रहरी, स्थानीय र आफन्तले खोजी गरेका थिए । खोज्ने क्रममा आइतबार विहान डुुबेको स्थानदेखि १ किलोमिटर तल नदीमा शव फेला परेको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिए । उनका अनुसार शवलाई पोष्टमार्टका लागि रामपुुर अस्पताल पठाइएको छ । घटनाको विषयमा थप अनुुसन्धान भइरहेको प्रहरीले जनाएको छ ।