पाल्पा, तानसेनमा एक पुरुष मृत फेला परेका छन् । जिल्लाको तानसेन नगरपालिका –१३ गाईघाटस्थित रानीमहल जाने सडक छेउको नालीमा पुरुष मृत फेला परेका हुन् ।

तानसेन –५ का ४० वर्षीय कलिम खाँ मृत अवस्थामा फेला परेको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिए । खाँ नालीमा घोप्टो अवस्थामा फेला परेका हुन् ।

उनले तानसेन –१३ मा राजा एकिकृत कृषि तथा कालिज फर्म सञ्चालन गर्दै आएका थिए । उनको के कति कारणले मृत्यु भएको हो भन्ने विषयमा थप अनुसन्धान भइरहेको प्रहरीले जनाएको छ ।