पाल्पा, गत शनिबार कालीगण्डकी नदीमा पौडी खेल्ने क्रममा बेपत्ता भएका एक युुवक मृत फेला परेका छन् । रामपुर नगरपालिका–४ स्थित कालीगण्डकीको कोप्चेघाटमा पौडी खेल्ने क्रममा बेपत्ता भएका २१ वर्षीय अभिषेक राउत विहीबार विहान मृत फेला परेका हुन् ।

भारतको हिमाञ्चल प्रदेश कसैली घर भएका राउतको खोज्ने क्रममा ५ दिन पछि रामपुर–४ बडभान घाटमा शव भेटिएको हो । उनको नदी किनारमा शव फेला परेको इलाका प्रहरी कार्यालय रामपुरले जनाएको छ ।

भारत घर भएका राउत बेझाडस्थित एक ट्याटु हाउसमा साथीसँग काम सिक्न आएका थिए । विदाको दिन साथीसँगै नदीमा पौडी खेल्न पुगेका उनी बेपत्ता भएका थिए । प्रहरी र स्थानीयले खोजी गर्दै जाने क्रममा नदी किनारमा आधा डुवेको र आधा भाग पानी बहिर रहेको अवस्थामा उनको शव फेला परेको थियो ।