पाल्पा, जिल्लाको तिनाउ गाउँपालिका–३ ड्यामसाइडस्थित तिनाउ खोलामा बुधबारदेखि वेपत्ता रहेका एक किशोर मृत फेला परेका छन् । पौडी खेल्ने क्रममा वेपत्ता भएका सिद्धार्थ नगरपालिका–८, गल्लामण्डिका १७ वर्षीय शिशिर उपाध्याय विहीबार सोही ठाउँमा मृत अवस्थामा फेला परेका हुन् ।

तिनाउ खोलामा पौडी खेल्न जाँदा बेपत्ता भएका उनको खोजतलास गर्ने क्रममा खोलामै मृत अवस्थामा फेला पारिएको जिल्ला प्रहरी कार्यालयले जनाएको छ । बुधबारदेखि नै प्रहरी, स्थानीय र आफन्तले उनको खोजी गरेका थिए । घटनाको विषयमा थप अनुसन्धान भइरहेको प्रहरीले जनाएको छ ।