पाल्पा, त्रिभुवन विश्वविद्यालयले सञ्चालन गरिरहेको स्नातक तह प्रथम वर्षको वार्षिक परीक्षा अन्तर्गत वैशाख १० गतेको परीक्षा सरेको छ । परीक्षा नियन्त्रण कार्यालयले आगामी वैशाख १० गते हुने भनिएको परीक्षा वैशाख १६ गतेका लागि सारेको हो ।

चितवन–२, तनहुँ–१ र बारा–२ मा वैशाख १० गते हुुने उपनिर्वाचनलाई लक्षित गर्दै त्रिविले उक्त दिनको परीक्षा सारेको हो । वैशाख ४ गतेदेखि स्नातक तह पहिलो वर्षको परीक्षा सुरु भएको छ । १० गते व्यवस्थापन र मानविकी संकायको केही विषयका परीक्षा सञ्चालन गर्ने कार्यतालिका रहेको थियो । निर्वाचन आयोग, गृह र शिक्षा मन्त्रालयको आग्रहमा उक्त दिनको परीक्षा वैशाख १६ गते सोही समय र परीक्षा केन्द्रमा सञ्चालन हुने परीक्षा नियन्त्रण कार्यालयले जनाएको छ ।