पाल्पा, घाँस काट्न जंगल गएका पाल्पाको रम्भा गाउँपालिका –४ धामखोलाका ६३ वर्षीय यामबहादुर सूर्यवंशी मृत फेला परेका छन् । गत चैत २८ खाना खाएर घाँस काट्न र काफल टिप्न भनि जंगल गएका सूर्यवंशी शुक्रबार साँझा मृत फेला परेका हुन् ।

जंगलबाट अबेरसम्म घर नफर्किएपछि परिवारले खोजतलास गरेका थिए । उनलाई खोजतलास गर्ने क्रममा ४ दिनपछि जंगल रहेकै खोल्सामा मृत फेला पारिएको जिल्ला प्रहरी कार्यालयका प्रहरी नायव उरीक्षक वीरेन्द्र थापाले जानकारी गराए । 

सूर्यवंशी मृत फेला परेको जानकारी प्राप्त भए लगत्तै प्रहरी चौकी ताहुँ र जिल्ला प्रहरी कार्यालयबाट गएको प्रहरी अनुसन्धान अधिकृतसहितको टोलीले प्रारिम्भक अनुसन्धानपछि शवलाई पोष्टमार्टका लागि जिल्ला अस्पताल पाल्पामा राखिएको छ ।