पाल्पा, जिल्लाको निस्दी गाउँपालिका–५ निस्दी खोलामा डुबेर एक बालिकाको मृत्युु भएको छ । पौडी खेल्ने क्रममा अचनाक पानीमा डुवी झिरुवासका बेदबहादुर सोतीको ७ वर्षीया छोरी उस्मी सोतीको मृत्युु भएको हो ।

शुक्रबार पौडी खेल्न गएकी सोती अचनाक खोलामा डुवेको जिल्ला प्रहरी कार्यालयले जनाएको छ । प्रहरीका अनुसार बेदबहादुर निस्दी गाउँपालिका–३, झिरुवास घर भई निस्दी गाउँपालिका–५, ढुंगानाबेसीस्थित हिरा खण्डालुुकको घरमा डेरा गरी बस्दै आएको बताइएको छ । ति बालिका साथीहरुसँग शुक्रबार बेलुकी पौडी खेल्न निस्दी खोलामा गएको बेला डुबेको जिल्ला प्रहरी कार्यालयका सूचना अधिकारी वीरेन्द्र थापाले जानकारी दिए । 

सोती डुवेको जानकारी पाएपछि प्रहरी चौकी रुक्सेभन्ज्याङ र इलाका प्रहरी कार्यालय रामपुरबाट गएको प्रहरी अनुुसन्धान अधिकृत सहितको टोलीले घटनाको प्रारम्भिक अनुसन्धान गरी शव पोष्टमार्टका लागि रामपुर अस्पताल पठाएको जनाइएको छ । घटनाको विषयमा थप अनुसन्धान भइरहेको जिल्ला प्रहरी कार्यालयले जनाएको छ ।