पाल्पा,  आजदेखि तानसेन– तम्घास सडक खण्ड दैनिक साढे छ घण्टा बन्द हुने भएको छ । पाल्पाको रिब्दीकोट गाउँपालिका –२ जोर्ते भीर क्षेत्रको कडा चट्टान काटी सडक स्तरन्नोती गर्ने कामका लागि फागुन १३ गते सम्म सडक बन्द हुने भएको हो ।

सडक कार्यालय पाल्पाले एक सूचना जारी गरी हरेक दिन बेलुका ९ः०० बजे देखि बिहान ३ः३० बजे सम्म गाडी आवतजावतमा रोक लगाइएको जनाएको छ । माघ २८ गतेदेखि फागुन १३ गतेसम्मका लागि दैनिक साढे छ घण्टाका दरले १५ दिनसम्म सडक बन्द गर्न लागिएको सडक डिभिजन कार्यालय पाल्पाका प्रमुख रामेश्वर लम्सालद्वारा जारी सूचनामा उल्लेख छ ।