लुम्बिनी सांस्कृतिक नगरपालिकाका प्रमुखको निधन
भैरहवा(रुपन्देही), लुम्बिनी सांस्कृतिक नगरपालिकाका नगर प्रमुख सजरुद्दिन मुसलमानको निधन भएको छ । लामो समयदेखि मुटु रोगबाट बिरामी रहेका मुसलमानको आज बिहान ९ बजे हृदयाघातका कारण उनको निवासमा निधन भएको पारिवारिक स्रोतले जनाएको छ ।
परम्परागत रूपमा आज साँझ ५ः०० बजे स्थानीय कब्रिस्तानमा उनको अन्त्येष्टि गरिने लुम्बिनी सांस्कृतिक नगरपालिकाका समन्वयकर्ता तुलसीराम लामिछानेले जानकारी दिए । सजरुद्दिन नेपाली कांग्रेसको तर्फबाट लुम्बिनी सांस्कृतिक नगरपालिकामा निर्वाचित भएका थिए ।
प्रकाशित मिति: शनिबार, भदौ १४, २०८२
प्रतिक्रिया दिनुहोस्
साताको लोकप्रीय
