Shittalpati
रामपुर नगरपालिकाकी उपप्रमुख थापा सम्मानित

पाल्पा, जिल्लाको रामपुर नगरपालिकाकी उपप्रमुख बालकुमारी थापा सम्मानित भएकी छन् । विकास निर्माणमा नगरपालिकाबाट खेलेको भूमिकाको कदर गर्दै  मुना मेमोरियल ट्रष्ट र सिर्जना आमा समूह रामपुरले थपालाई सम्मान गरेको हो ।

 उपप्रमुख थापालाई सम्मान पत्र र दोसल्ला सहित आमा समूहका अध्यक्ष सावित्रा अधिकारी र मुना मेमोरियल ट्रष्टका अध्यक्ष जनार्दन अधिकारीले संयुक्त रुपमा सम्मान गरेका थिए । थापाले रामपुर–१० काभ्रेघारीमा रहेको मुना मेमोरियल ट्रष्टको भवन निर्माण तथा व्यवस्थापनका लागि नगरपालिकाबाट आवश्यक बजेट विनियोजन गर्न सहयोग गरेको ट्रसले जनाएको छ । अहिले ट्रष्टको भवन निर्माण सम्पन्न भए पनि यसको थप व्यवस्थापन नगरपालिकाले गरेको छ ।

नगरपालिकाले ट्रष्टको व्यवस्थापन तथा जिप्सन राख्नका लागि आर्थिक वर्ष २०८०/०८१ मा १ लाख रुपैयाँ बजेट विनियोजन गरेको थियो । गर्मी र घाम लागेको समयमा विभिन्न कार्यक्रम र आमा समूहको बैठक भेला बस्न असहज भएको भन्दै योजना माग गरेपछि नगरपालिकाले बजेट विनयोजन गरेको थियो । सो बजेट मार्फत भवनमा जिप्सन राखिएको छ । भवनमा जिप्सन राखे पछि जुन सुकै समयमा यस क्षेत्रमा हुने हरेक कार्यक्रम गर्न सजिलो भएको सिर्जना महिला समूहका अध्यक्ष सावित्रा अधिकारीले बताइन । ‘ विषेश गरि गर्मीको समयमा ट्रष्ट भवन तातिएर बस्न नसकिने हुन्थ्यो अहिले त त्यो समस्या छैन’– अधिकारीले भनिन् । भवनमा सो क्षेत्रका विभिन्न कार्यक्रम र सिर्जना आमा समूहको बैठक तथा भेला बस्दै आएको अधिकारीको भनाई छ । आफुलाई सम्मान गरेकोमा धन्यवाद दिंदै रामपुर नगरपालिकाका उपप्रमुख बालकुमारी थापाले आफुले नगरवासीको अभिभावकीय अभिभारा पुरा गरेको बताइन् । नगरवासीको समस्या र आवश्यकतालाई परिपूर्ति गर्नका लागि पालिकाको स्रोत र साधनको उच्चतम प्रयोग गरी काम गर्दै आइएको उनको भनाई छ । 

प्रकाशित मिति: बिहीबार, माघ २४, २०८१
प्रतिक्रिया दिनुहोस्
Weather Update