शितलपाटी

पाल्पा कोरोना अपडेट : सोमबार थप १ सय ८८ संक्रमितले कोरोना जिते सोमबार, जेठ १७, २०७८ जिल्लामा पछिल्ला दिनहरुमा कोरोना जित्नेहरुको संख्यामा निरन्तर वृद्धि भएको छ । यहाँ कोरोना संक्रमितको संख्या घट्दै गएको र निको हुनेको संख्यामा दैनिक रुपमा वृद्धि भएको हो ।

खत्री परिवारले गरे गुल्मी अस्पताललाई अक्सिजन कन्सन्ट्रेर्स सहयोग आइतबार, जेठ १६, २०७८ तम्घासको जिल्ला अस्पताल लाइनमा होटल व्यवसाय गर्दै आएका गंगा बहादुर खत्री र मायादेवी खत्रीले गुल्मी अस्पताललाई अक्सिजन कन्सन्ट्रेर्स हस्तान्तरण गरेका छन् । अमेरिकामा रहेकी उनको नातिनी बृन्दा एच श्रेष्ठ घलेको सहयोगमा अस्पताललाई अक्सिजन कन्सन्ट्रेटर खरिद गरि हस्तान्तरण गरेका हुन् ।

गुल्मीमा नेविसंघले दियो सरकारी अस्पताललाई अक्सिजन कन्सन्ट्रेटर्स आइतबार, जेठ १६, २०७८ नेपाल विद्यार्थी संघ (नेविसंघ) गुल्मीले कोभिड–१९ बिरामीहरुलाई लक्षित गरि गुल्मी अस्पताललाई अक्सिजन कन्सन्ट्रेटर हस्तान्तरण गरेको छ ।

पाल्पामा कोरोना संक्रमणमुक्त हुनेको संख्या बढ्दै, आईतबार मात्र १ सय ९ जना निको भए आइतबार, जेठ १६, २०७८ जिल्लामा पछिल्ला दिनहरुमा कोरोना संक्रमणमुक्त हुनेहरुको संख्यामा निरन्तर वृद्धि भएको छ । कोरोना संक्रमण कायमै रहे पनि निको हुनेको संख्यामा दैनिक रुपमा वृद्धि भएको हो ।

पत्रकारलाई सरकारी अस्पतालमा निःशुल्क उपचार, ७ लाखको दुर्घटना बिमा शनिबार, जेठ १५, २०७८ सरकारले श्रमजीवी पत्रकारलाई सरकारी अस्पतालमा निःशुल्क उपचार दिने भएको छ । अर्थमन्त्री विष्णु पौडेलले आर्थिक वर्ष २०७८/७९ को बजेटमा नेपाल पत्रकार महासंघको सदस्य रहेका पत्रकारलाई सरकारी स्वास्थ्य संस्थामा निशुल्क उपचारको व्यवस्था गर्ने घोषणा गरेका हुन् ।

पाल्पामा शनिबार १ सय ३३ जनाले कोरोना जिते, १ सय ४३ जनामा संक्रमण शनिबार, जेठ १५, २०७८ जिल्लामा पछिल्लो २४ घण्टामा १ सय ३३ जनाले कोरोना जितेका छन् भने १ सय ४३ जनामा संक्रमण पुष्टि भएको छ । जिल्ला स्वास्थ्य कार्यालयले शनिबार सार्वजनिक गरेको नियमित कोरोना अपटेडमा यहाँका १ सय ३३ जना संक्रमितले कोरोना जितेका हुन् ।

सबै नागरिकलाई खोपको प्रबन्ध गर्छाै : प्रधानमन्त्री शुक्रबार, जेठ १४, २०७८ प्रधानमन्त्री केपी शर्मा ओलीले कोभिड–१९ विरुद्ध सबै नागरिकलाई खोप लगाइने र महामारीलाई नियन्त्रण गरिने प्रतिबद्धता व्यक्त गरेका छन् । प्रधानमन्त्री ओलीले शुक्रबार राष्ट्रका नाममा सम्बोधन गर्दै पहिलो डोज लगाएर दोस्रो डोज लगाउन प्रतीक्षारत र अन्य सबैलाई खोपको प्रबन्ध गरिने बताएका हुन् ।

पाल्पामा शुक्रबार थप ८१ जना कोरोना संक्रमित डिस्चार्ज शुक्रबार, जेठ १४, २०७८ जिल्लामा पछिल्लो समय कोरोना निको हुनेको संख्या बढ्दै गएको छ । शुक्रबार मात्र यहाँका ८१ जना कोरोना संक्रमित डिस्चार्ज भएका छन् ।

पाल्पामा विहीबार १ सय १५ संक्रमित कोरोनामुक्त बिहीबार, जेठ १३, २०७८ जिल्लामा पछिल्लो समय कोरोना निको हुनेको संख्या बढ्दै गएको छ । विहीबार मात्र यहाँका १सय १५ जना संक्रमित कोरोनामुक्त भएका छन् । विभिन्न अस्पतालमा उपचार गराइरहेका र होमआइसोलेसनमा रहेका ४८ महिला र ६७ जना पुरुष कोरोनामुक्त भएका हुन् ।

काठमाडौँका तीन स्थानमा पुनः बर्डफ्लु संक्रमण बिहीबार, जेठ १३, २०७८ काठमाडौँका तीन स्थानमा पुनः बर्डफ्लु संक्रमण पुष्टि भएको छ । पशु सेवा विभागका अनुसार कीर्तिपुर नगरपालिकाको वडा नम्बर ४ र ९ तथा चन्द्रागिरि नगरपालिका–२ मा संक्रमण पुष्टि भएको हो ।

गुल्मी प्रयोगशालामा स्वाब नमुनाको थुप्रो बुधबार, जेठ १२, २०७८ जिल्लामा सञ्चालित कोभिड प्रयोगशाला कोराना भाइरसको पीसीआर परीक्षणका लागि संकलन गरिएको स्वाबको नमुना थुप्रिन थालेको छ । दैनिक परीक्षण क्षमताभन्दा धेरै परिमाणमा नमुना संकलन हुँदा परीक्षणमा आएको छ ।

पाल्पामा बुधबार १ सय २७ जनाले कोरोना जिते, ९३ जनामा संक्रमण बुधबार, जेठ १२, २०७८ जिल्लामा पछिल्लो २४ घण्टामा १सय २७ जना संक्रमितले कोरोना जितेका छन् । विभिन्न अस्पतालमा उपचार गराइरहेका र होमआइसोलेसनमा रहेका ७१ महिला र ५६ जना पुरुषले कोरोना जितेका हुन् ।